Text: Number 21:9
Topic: An Tar Mi Kha Zoh Tuah!
Cu caah Moses nih dar rul pakhat a ser i tung cungah a tar; cun, rul nih pakhatkhat a cuk hna tikah, dar rul cu an zoh ahcun an nung.
An tar mi kha zoh tuah!
Moses nih Israel mi hna Izipt ram in a hruai lio hna ahkhan Israel mipi hna cu an hruaitu a si mi Moses cungah le Bawipa an Pathian cungah khan fak pi-in an thin a hung I an phun an zai hnawh hna. Moses cu an thawh i "Zeiruang ah dah ram lak ah thih ding in Izipt ram in na kan chuahpi hrimhrim. Zeicah tiah ti a um lo i rawl zong a um tung lo. Izipt ram ah thlan a um lo maw titiang in an rak ti. Cu tikah Pathian nih a thinhunnak a langhter than i an lakah dar rul kha a thlah hnawh hna i cu rul nih cun a cuk lengmang hna i an thi lengmang. Cu tikah Pathian nih Moses cu a thawh i "Mei rul pakhat in ser law tung cung ah tar tuah; rul nih acuk mi hna paoh nih an zoh tikah an nung lai" tiah a ti. Cu caah Moses nih dar rul pakhat a ser i tung cungah a tar, cun, rul nih pakhatkhat a cuk hna tikah, dar rul taar mi cu an zoh ahcun an nung.
Kan Bawipa Zisuh Khrih cu vawleicung mi sual mi nangmah le keimah ca thengte ah minung fa nih tuar khawh le inkhawh ding a si lo mi vailamtahnak thihnak cu Calvary tlangcung ah a tuar. Cucu a thihnak le a fahnak vialte cu keimah ca thengte ah a si ko, keimah nih ka in hnga ding le ka tuar hnga ding tu amah liangcungah ai khinh mi a si i kei cu Zisuh Khrih a thisen a chuak mi nih aka tlanh cang i sualnak chungin ka luat cang tiah tiah Zisuh khrih a cohlang mi hna nih taksa ah damnak an hmuh lawng si lo in an thlarau ca tiang in damnak an hmuh. Zeibantuk misual mi hna hmanh nih Calvary tlangcungah an taar mi Bawi Zisuh cu thinlung, ruahnak thazaang dihlak he an zoh ahcun thinlung, taksa le thlarau damnak an co ve.
Scholar tampi le thawngthabiachimtu tampi hna nih Moses nih dar rul a ser I a tar I a zoh mi vialte nih damnak an hmuh nak kong hi kan Bawipa Jesuh Khrih vailam i an tar te lai nak ding rak hmuh chungnak hmelchunhnak a rak langhter chung mi a si tiah an ti tawn. Pathian lungthitum ho hmanh nih kan theih khawh lo caah Pathian nih zeihmelchunhnak ca paoh ah a sermi va si ai kun mipi damnak caah dar rul pakhat cu ser a si ko ti cu fiangten kan hmuh mi a si.
Tuchun ni ahhin damlonak a tuar mi tampi kan um men lai. A paw tam mi nih rawl nak in zeidang a duh deuh lai ka zum lo. A ti hal mi hna nih ti nakin zeidang an duh deuh lai ka zum lo. Mit caw hna nih khuahmuh thannak nakin zeidang thil an duh deuh lai ka zum lo. Kut ke kiak kebai hna nih kut ngeih tthan le ke ngeih thannak in zeidang thil an duh deuh lai ka zum lo. Cuvebantukin a dam lo mi hna nih damnak nakin zeidang thil an duh deuh lai ka zum lo. A si ah damnak cu tah khoika ah dah a um ne? Mi zaw caah damnak sithabik a um ko lai. A paw tam mi hna caah rawl tha tuk mi a um ko. A tihal mi hna caah ti thiang din awk ttha mi te a um ko lai. Ziah kan dam kun hnga lo? Ziah kan ti hal a riamh kun hnga lo? Ziah kan paw a khim kun hnga lo? Mithi hmanh a thawhter tthan tu damnak taktak ngeitu, Calvary tlangah nangmah le keimah caah an tarmi Jesuh Khrih cu kan damnak ding caah kan zoh lo sual maw? Keimah nih ka pek mi ti a ding mi paoh cu an tihal a riam lai i an ti zong a hal ti lai lo (John 4:14) a ti tu Bawi Jesuh Khrih zoh lo in na um sual dik maw? Ngaktah sifak santlailo mi hna cawm kengtu Pathian, Pawtam mi hna rawl thawthaw in a cawm tu Pathian zoh lo in na um sual maw?
Dam na duh maw? Na duh ahcun Israel mi hna an damnak ding caah dar rul an tar piak hna i a zoh mi paoh nih damnak an hmuh bantukin, nangmah le keimah mi sual mi vialte hna kan luatnak hnga ding caah Calvary tlang cung ah an tar mi Jesuh Khrih kha zoh ko hna usih.
“An tar mi kha zoh tuah!”
Khrihfa Hlabu 130 kha hi thawngtha tawite na rel dih bak khan van sa ve te.
"Zoh tuah, na nung lai”
Vailamtuahnak cungah tarmi nan hmuh tikah
chickhatte ah nunnak nan hmuh lai;
Cu si ca sualmi nih zoh in kawl tuah u,
vailamtahnak an thahmi zoh tuah
Zoh tuah nan nung lai, an tar mi kha zoh tuah
nunnak khan an hmuh lai, nunnak kha a tu nan hmu zau lai.
Amah nih sualthlahnak kha a duh lo ahcun,
zeicadah vailamtah a in lai,
mi sual thihnak in a kan tlanh duh lai maw?
Zeicahdah a thi kha a luan lai?
Ngaihchihnak lawng nih sualnak a thlah kho lai lo,
A thi lawngin khamhnak kha kan hmuh,
Nan sual vialte kha rak pu tuah u, a ti,
Jesuh nih kan tawlpiak lai a ti.
A kan chimhmi kha zum loin um hin hlah,
Zumhnak caan dang a um ti lai lo,
Vawlei dongh tikah voikhat a ra than lai,
Nan bia kan caih te hna lai, a ti.
Lewis Cung Cinzah
Philippines
Topic: An Tar Mi Kha Zoh Tuah!
Cu caah Moses nih dar rul pakhat a ser i tung cungah a tar; cun, rul nih pakhatkhat a cuk hna tikah, dar rul cu an zoh ahcun an nung.
An tar mi kha zoh tuah!
Moses nih Israel mi hna Izipt ram in a hruai lio hna ahkhan Israel mipi hna cu an hruaitu a si mi Moses cungah le Bawipa an Pathian cungah khan fak pi-in an thin a hung I an phun an zai hnawh hna. Moses cu an thawh i "Zeiruang ah dah ram lak ah thih ding in Izipt ram in na kan chuahpi hrimhrim. Zeicah tiah ti a um lo i rawl zong a um tung lo. Izipt ram ah thlan a um lo maw titiang in an rak ti. Cu tikah Pathian nih a thinhunnak a langhter than i an lakah dar rul kha a thlah hnawh hna i cu rul nih cun a cuk lengmang hna i an thi lengmang. Cu tikah Pathian nih Moses cu a thawh i "Mei rul pakhat in ser law tung cung ah tar tuah; rul nih acuk mi hna paoh nih an zoh tikah an nung lai" tiah a ti. Cu caah Moses nih dar rul pakhat a ser i tung cungah a tar, cun, rul nih pakhatkhat a cuk hna tikah, dar rul taar mi cu an zoh ahcun an nung.
Kan Bawipa Zisuh Khrih cu vawleicung mi sual mi nangmah le keimah ca thengte ah minung fa nih tuar khawh le inkhawh ding a si lo mi vailamtahnak thihnak cu Calvary tlangcung ah a tuar. Cucu a thihnak le a fahnak vialte cu keimah ca thengte ah a si ko, keimah nih ka in hnga ding le ka tuar hnga ding tu amah liangcungah ai khinh mi a si i kei cu Zisuh Khrih a thisen a chuak mi nih aka tlanh cang i sualnak chungin ka luat cang tiah tiah Zisuh khrih a cohlang mi hna nih taksa ah damnak an hmuh lawng si lo in an thlarau ca tiang in damnak an hmuh. Zeibantuk misual mi hna hmanh nih Calvary tlangcungah an taar mi Bawi Zisuh cu thinlung, ruahnak thazaang dihlak he an zoh ahcun thinlung, taksa le thlarau damnak an co ve.
Scholar tampi le thawngthabiachimtu tampi hna nih Moses nih dar rul a ser I a tar I a zoh mi vialte nih damnak an hmuh nak kong hi kan Bawipa Jesuh Khrih vailam i an tar te lai nak ding rak hmuh chungnak hmelchunhnak a rak langhter chung mi a si tiah an ti tawn. Pathian lungthitum ho hmanh nih kan theih khawh lo caah Pathian nih zeihmelchunhnak ca paoh ah a sermi va si ai kun mipi damnak caah dar rul pakhat cu ser a si ko ti cu fiangten kan hmuh mi a si.
Tuchun ni ahhin damlonak a tuar mi tampi kan um men lai. A paw tam mi nih rawl nak in zeidang a duh deuh lai ka zum lo. A ti hal mi hna nih ti nakin zeidang an duh deuh lai ka zum lo. Mit caw hna nih khuahmuh thannak nakin zeidang thil an duh deuh lai ka zum lo. Kut ke kiak kebai hna nih kut ngeih tthan le ke ngeih thannak in zeidang thil an duh deuh lai ka zum lo. Cuvebantukin a dam lo mi hna nih damnak nakin zeidang thil an duh deuh lai ka zum lo. A si ah damnak cu tah khoika ah dah a um ne? Mi zaw caah damnak sithabik a um ko lai. A paw tam mi hna caah rawl tha tuk mi a um ko. A tihal mi hna caah ti thiang din awk ttha mi te a um ko lai. Ziah kan dam kun hnga lo? Ziah kan ti hal a riamh kun hnga lo? Ziah kan paw a khim kun hnga lo? Mithi hmanh a thawhter tthan tu damnak taktak ngeitu, Calvary tlangah nangmah le keimah caah an tarmi Jesuh Khrih cu kan damnak ding caah kan zoh lo sual maw? Keimah nih ka pek mi ti a ding mi paoh cu an tihal a riam lai i an ti zong a hal ti lai lo (John 4:14) a ti tu Bawi Jesuh Khrih zoh lo in na um sual dik maw? Ngaktah sifak santlailo mi hna cawm kengtu Pathian, Pawtam mi hna rawl thawthaw in a cawm tu Pathian zoh lo in na um sual maw?
Dam na duh maw? Na duh ahcun Israel mi hna an damnak ding caah dar rul an tar piak hna i a zoh mi paoh nih damnak an hmuh bantukin, nangmah le keimah mi sual mi vialte hna kan luatnak hnga ding caah Calvary tlang cung ah an tar mi Jesuh Khrih kha zoh ko hna usih.
“An tar mi kha zoh tuah!”
Khrihfa Hlabu 130 kha hi thawngtha tawite na rel dih bak khan van sa ve te.
"Zoh tuah, na nung lai”
Vailamtuahnak cungah tarmi nan hmuh tikah
chickhatte ah nunnak nan hmuh lai;
Cu si ca sualmi nih zoh in kawl tuah u,
vailamtahnak an thahmi zoh tuah
Zoh tuah nan nung lai, an tar mi kha zoh tuah
nunnak khan an hmuh lai, nunnak kha a tu nan hmu zau lai.
Amah nih sualthlahnak kha a duh lo ahcun,
zeicadah vailamtah a in lai,
mi sual thihnak in a kan tlanh duh lai maw?
Zeicahdah a thi kha a luan lai?
Ngaihchihnak lawng nih sualnak a thlah kho lai lo,
A thi lawngin khamhnak kha kan hmuh,
Nan sual vialte kha rak pu tuah u, a ti,
Jesuh nih kan tawlpiak lai a ti.
A kan chimhmi kha zum loin um hin hlah,
Zumhnak caan dang a um ti lai lo,
Vawlei dongh tikah voikhat a ra than lai,
Nan bia kan caih te hna lai, a ti.
Lewis Cung Cinzah
Philippines