"A Tla Lomi Cerlian"
By: Fiakfairok
“Na pa cu mihrut, holh thiam lo, zei hngal lo,” black-board cung i aa ttialmi cu mitthli he Dingdi nih cun a rel. A phiatnak duhsah tein a lak i a phiat. A pa cung ah a thinhung. Ka pa ruang ah hawi ttha zong ka ngei lo. Siangakchia vialte nih an ka nek dih, tiah a ruat. A tthutnak ah a kal i a zal cu aa lak. Ttha tthi in bah loin a kal. Inn a ttinlei ah pa khat he an i tong.
Mah hlan a nu a rak thih hlan an rak umnak i a hawipa a si. A hawipa nih cun dawr ah zanriah ei a sawm caah a hawipa cu a zulh.
Inn ah a pa, Vapual cu a lungre a rak thei tuk. Ka fa hi khawika dah a phanh hnga? Ziah tu tiang inn a ttin cang hnga lo tiah lungrethei in suimilam a zoh, 9 pm leng a si cang. Zan suimilam 11 hrawng ah innka cu karik karek tiah duhsah tein aa hung. Dingdi cu inn chung ah a lut. “Ka fa, khawidah na kal? Atu lawng cu na ttin? Ka lungre a thei tuk si,” tiah a pa nih cun a kut in a piah.
“Ih ka duh, i thawn,” tiah Dingdi nih cun aipuang ngaiin khin a leh. A pa nih cun lam a kham. “I thawn kaan ti cu. Nangmah ruang ah hawi zong ka ngei lo. Mi vialte nih an ka nek. Ka nu a thih hnu in lawmhnak zong um kho lo. Ka duh tik paoh ah ka ttin ko lai naa ceih lo,” tiah a pa cu a hro. A pa mitthli cu rialti pang a luan pah khin a fanu cu kuh a timh. Nain, “holh na thiam lo he tawn zokzok,” ti’n Dingdi nih a vun hro pah in khin ihnak khaan ah cun a lut.
Ka fa, kaan dawtnak na hngal thiam lo ti. Hawi pa ka lo lo. Ka ngaithiam mu. Pathian nih holh khawhnak a ka pe lo. Thil tampi chim le rel ka duh ko nain holh ka thiam lomi cu keimah duh si ttung lo. Na ca’h ka si khawh chung in kaa zuam ko. Keimah bantuk cu rak ka lo te hlah mu ti lung chung biachim bu in Vapual cu innka hram ah duhsah tein a tthu.
*****
Dingdi cu molh nawn in khin coka lei panh in a kal. “Ka fa, na tho cang tih? Thaithawh ka ser dih cang hi ei usih,” tiah a pa nih cun a kut cun a ti. Dingdi nih cun a pa cu zoh zong zoh loin tthutdan cu aa lak i rawl a ei. A pa pawng a um ahcun a khing a rit tuk hringhran. A rannak in sianginn lei kal zokzok a duh. A rawl dih huahau loin a chuak. A pa nih cun a ban in a tlaih in, “kaan thlah lai,” a ti.
Motor chia tein cun a pa nih cun sianginn ah a phorh. Sianginn an phanh i a fanu te sianginn chung a lut lai ah, “Uhhhhnn,” tiah a pa nih cun a hau--a kut in, “ ka fa ca fak piin i zuam mu. Na ngan tikah siibawi na ttuan lai cu,” tiah merh bu in a ti. Dingdi nih cun zei rel loin a kal tak.
“Hodah mah a phi hi a hngal?” tiah sym nih a hal hna. Dingdi nih a thiammi te a si, a kut cu a thliar.
“Hahaha… zoh uh khih. Nu ngei lo, mihrut pa fa nih a chim cang lai khih,” tiah Fikfa nih thang piin khin a van chim. An khaan vialte an dihlak in an ni dih. Sayama nih dai uh a ti hna zong ah an zual chin. Dingdi nih a zal lak loin leng lei panh in a tli. A hnulei in Cenghngia, Dingdi nih a uarmi pa, nih a dawi.
Vapual cu nam cawi in sa a can len ko. Nihin cu voi dang bantuk a si lo. A rianttuanmi ah aa nuam kho lo. Holh a thiam lo bu ah an nu a um lio caan--an rak i nuamh tuk lio te kha a ngai tuk. Mah lio khan cu Dingdi cu kum 10 hrawng lawng a rak si rih. Kan nu na um ti lo hnu cun zeihmanh hi a lamtling kho ti lo. Didi, Dingdi min din, zong nih ka dawtnak a hmu thiam ti lo. Rak kiar tthan law zei tluk in dah a nuamh hnga. Vapual mit in donh awk a ttha lomi mitthli dor an tla pah.
Cenghngia nih cun Dingdi ban in a tlaih. A za a pek. Dingdi cu tlik aa tim nain Cenghngai nih a tlaih chih. Dingdi nih a duh ve tikah a cawl lo. An pahnih cun an kut an i tlai i an sianginn pawng tili kam ah chun nitlak an umtti. Zanlei sang suimilam 7 hrawng ah Dingdi cu inn ah a ttin.
A pa cu inn ah a rak um cang. Thlalang-awngka in khin Cenghngia le Dingdi mangttha tinak an i kuh cu a hmuh. Dingdi inn chung a rak luh sin in, “Ka dawt ka fa. Mah pa he khin cun umtti hlah. A zia na hngalh ko cuta. Mi ttha lo a si. Zaangfahnak tein ka fa khi pa khi cu hrial mu,” tiah a pa nih a kut cun a chim.
“Ka ca’h minung ka thimpiak hlah. Nangmah ruang ah hawi zong ka ngei lo hi na thei ma? Ka ngeihchunh hawi zong hlonh piak na ka timh rih! Ka nu thih hnu in amah dah ti lo ho nih dah a ka hnemh bal?” tiah Dingdi nih cun a pa cu aw hrawng taktak in a ti. A pa cu holh a thiam lo caah a mitthli tlak leng in cun tuah awk a hngal lo.
A thaizing a chuak: a pa nih ka fa hi hawi zong a hngar lai tiah tangka a ngeihchunh $200 lakah $100 a tthenh, “Ka fa rawl zong kaan chuanpiak kho tthittha lo, mahte in hin na duhmi i cawk law va ei mu,” ti pah in. Dingdi nih tangka hmanh ttha te lak loin a chuh in a chuh i a chuak colh. Inn um hi a zuam hrim a zuam lo. Leng chuah zong ah mi nih an nek tuk nain mi nek cu a pa pawng um nakin aa hnek khawh deuh.
Mah zan cu suimilam 12 leng in Dingdi cu inn ah a ttin. A pa cu a rak i hngelh kho lo, innpi ah a rak tthu ko. Zing suimilam 4:20 hrawng in thawh i rianttuan ah kal ding a si nain. A pa nih bia hal a timh nain halnak nawl a pek lo caah a pa nih cun a hmai ah a bengh. Dingdi cu coka ah a va tli i namte aa lak.
“Na ka bengh tik? Mihrut an in timi hi na rak hruh tak ko hna ta,” tiah a ti. A pa nih cun a nam chuh ding in a naih deuh. “Ra ka naih hngalh. Na thih lo cun keimah ka thi lai,” tiah Dingdi nih cun a hro pah. A pa nih cun a van naih deuh than i Dingdi nih nam cu a hngawng ah aa hmuah. “Na sin um nakin thih hmanh a ttha deuh lai. Pa lo pa..,” tiah ttah pah bu in a mitthli he a au.
“Ka fa, ka fa. Nam cu thla.. Kaan naih ti lai lo,” tiah Vapual nih cun a kut in a chimh--hnulei ah aa tawn deuh. A pa cu innpi le coka aa tonnak ah vanpang hngetchan in a mitthli he a tthu. Dingdi cu coka khengttawlnak pawng ah nam he cu a tthu i a ttap ve. An pahnih in ti te cun zan khuadei an tthu.
An pafa karlak ah hngalhthiamnak a tlung kho lo. A fanu nih a pa cu sual a phawt ruangah a fanu nih a pa cu a rem ti lo. A pa nih a fanu cu a dawt tuk caah zei paoh tthatnak ding aa zuam nain a tlam a tling kho lo.
Thla tlawmpaal ah a liam hnu: Vapual cu suimilam a zoh lengmang. Ka fa hi ziah a ttin cang hnga lo tiah thinphaang ngai in a tthu. Nain a fanu dawt Dingdi kum 16 tlinnak ni a si caah aa lawm/nuam tuk. Chuahni-Changreu, Birthday Cake, a cawkmi te cu capawi fate cung ah cun a chiah. Zan suimilam 8 tluk a si cang. Voi dang nakin a pa lungthin tor a dik ti lo. Phung dang pi khi a lo.
Innkaa cu tthongtthong tiah thang taktak in kingh thawng nih Vapual lungthin a lauter tuk. Innkaa lei ah cun a tli zokzok, innkaa a hnu ah cun an innpawng tarnu te a rak si. “Na, na fanu kha pa, pa pawl he lampi ah ka hmuh. Inn-karlak-lam ah an luh tlawmpaal ah pa pakhat nih a, a thongh. Ka lau tuk i ka rak in chimh,” tiah thaw phan satsai loin tarnu cu a holh. Vapual cu a lau tuk i innleng lei panh in a tli colh.
Dingdi te umnak hmun a va phanh ah cun Dingdi cu a thawpi lawng a rak tang ti awk tluk a si. A pawng i a ummi pa pathum nih an rak chuih pah leng rih ko. Vapual nih zei a cang ti hmanh hngalh loin a fanu khamh awk ah cun a pum in a fanu cung ah cun a bawk. “Hahahaa.. Zoh tuah uh… Mihrut pa nih a fa a khamh cang hih!” tiah pa pakhat nih a nihsawh len hna.
“Na fanu cu tlawmpaal te ka tuai i haha ka ihpi khawh colh. Haha…. Amah aa ralrin lo ruang ah nau a pawi i keimah a ka puh rih. A nawn in ka nawn beh lai.. Hahaha..,” tiah pa pakhat cu a ni. Vapual nih cunglei a zoh ah cun an lak i pakhat cu Cenghngia a si ai.
“Sorry, sorry. Ka fanu cu kal tak ko uh..,” tiah a nawl hna nain an duh lo. A pa nih cun, “ti si cun zeidah kaan tuahpiak hna lai?” tiah a hal hna--thil fiar an fial. An duh tukmi thil man fak taktakmi dawr pakhat ah thil an fiarter. Mah dih le cangka in cun a fanu cu siizung ah a tlikpi.
“A ngah lo, ka fanu a thi kho lo. Zaangfahnak tein khamh uh. A thi kho lo. Nawl ka pe lo,” ti piah pah bu in mitthli he a pa cu siibawi hmai ah a diar. Siibawi nih a hnemh len nain aa hlei lo. “Tangka cu ka ngei lo nain inn chiahru te ka ngei. Mah cucu ka fanu nan khamh ahcun nan i lak lai. Zaangfahnak,” tiah siibawi cu a nawl len hna.
A fanu cu a thi a chuakmi a rak tam tuk--a pum chung ah a thi ummi a tlawm tuk cang. “Ka thi la uh. Ka thi la ko uh. Ka fanu cu si.. La uh,” tiah holh khawh loin a kut in a chimh hna.
Suimilam 7 tluk a rauh hnu: an pa fate cu ihkhun naih te nih an chiah hna. A pa thi cu an lak i a fanu cu an rawh pah. A fanu nih a zoh duh rih lo. A thaizing ah palek pawl siizung ah an rak ra i a pa cu an tlaih. Thil a fiar ruang ah! A fanu nih zei a hngalh lo caah a pa cu a huat chinchin.
Zarh khat tluk a rauh hnu: Dingdi cu inn chung lei panh in a lut. Innpi laifang ah a pa nih a rak cawkpiakmi a maan dih cangmi changreu cu a hmuh. A pawngte ah cun a tthu i a pa cattialmi a hmuh:
Ka fa ka ngaithiam. Hawi dang pa bang in kaan zoh kho lo.
Ka nunnak ah nang he tlamtlinnak dingah holh khawh
ka herh nain ka holh kho lo cu ta. Zei si zong ah keimah
nih kaan dawt tluk in cun hohmanh nih an in daw lai lo.
Na ka ti tikah ka lung a fak nain ka thin a hung bal lo.
Nang cu ka nunnak na si i ka fanu dawt bikmi pakhat na si.
Na nu nung rih sehlaw atu lio ahhin a nuam tuk hnga ti.
Rak ka ngaithiam mu.
Chuahni lawmhnak na cung ah um sehlaw
Pathian nih lam in hruai ko seh………
Ca cu a rel dih in a lungthin chung ah zei a cang hngalh loin a ttap thluahmah. Caan tlawmpaal a ttah hnu ah khin an innpawng tarnu te a rak ra i, “ka tu, na pa dawtnak hi naa fian awk a si cang. Ka rak in pekmi vialte keimah nih ka cawkmi pakhat hmanh a um lo. Na pa nih aan cawkpiakmi lawngte a si. Aan pek i na lak duh lo caah keimah a ka fialmi a si. Thil a fiarmi zong nangmah nunnak khamh duh ruang ah a si,” tiah a ti hnu in a chuah tak colh.
“Ka pa, ka pa,” tiah Dingdi cu a au. A mitthli he a pa ngaih in zan voikhatnak khua a dei. A pa chuah i a hngawng in kuh chih--kaan dawt tuk ka pa ti chim lawng a duh. Mah tluk a rak sual bu in a pa nih a caah a nunnak tiang a pek. Dingdi mit in a luangmi mitthli cu huatnak in dawtnak le ngaihnak ah an cang dih. A pa chuah ding--rawl eitti ding hngah, a pa dawtnak fiang bu in a pa chuah lai nithla rel in a pa cu a hngah.
Thong in chuak i a fanu hmuh lai aa ngaih tukmi a pa nih a fanu caah thong a tlakmi zong ngaihchiahnak a um lo. Thonginn kutkaa in leng lei cuan in Cerlian zoh in hmailei panh thluangthluan in.
---------------
Hringtu pale vialte upatnak he, Fidi group Facebook ah Fiakfairok nih a ttialmi TCP editor nih Laica tlawmpal edit hnu ah a hun tarmi a si.
Note: TCP ih an tar mi lak i fim mi a si
By: Fiakfairok
“Na pa cu mihrut, holh thiam lo, zei hngal lo,” black-board cung i aa ttialmi cu mitthli he Dingdi nih cun a rel. A phiatnak duhsah tein a lak i a phiat. A pa cung ah a thinhung. Ka pa ruang ah hawi ttha zong ka ngei lo. Siangakchia vialte nih an ka nek dih, tiah a ruat. A tthutnak ah a kal i a zal cu aa lak. Ttha tthi in bah loin a kal. Inn a ttinlei ah pa khat he an i tong.
Mah hlan a nu a rak thih hlan an rak umnak i a hawipa a si. A hawipa nih cun dawr ah zanriah ei a sawm caah a hawipa cu a zulh.
Inn ah a pa, Vapual cu a lungre a rak thei tuk. Ka fa hi khawika dah a phanh hnga? Ziah tu tiang inn a ttin cang hnga lo tiah lungrethei in suimilam a zoh, 9 pm leng a si cang. Zan suimilam 11 hrawng ah innka cu karik karek tiah duhsah tein aa hung. Dingdi cu inn chung ah a lut. “Ka fa, khawidah na kal? Atu lawng cu na ttin? Ka lungre a thei tuk si,” tiah a pa nih cun a kut in a piah.
“Ih ka duh, i thawn,” tiah Dingdi nih cun aipuang ngaiin khin a leh. A pa nih cun lam a kham. “I thawn kaan ti cu. Nangmah ruang ah hawi zong ka ngei lo. Mi vialte nih an ka nek. Ka nu a thih hnu in lawmhnak zong um kho lo. Ka duh tik paoh ah ka ttin ko lai naa ceih lo,” tiah a pa cu a hro. A pa mitthli cu rialti pang a luan pah khin a fanu cu kuh a timh. Nain, “holh na thiam lo he tawn zokzok,” ti’n Dingdi nih a vun hro pah in khin ihnak khaan ah cun a lut.
Ka fa, kaan dawtnak na hngal thiam lo ti. Hawi pa ka lo lo. Ka ngaithiam mu. Pathian nih holh khawhnak a ka pe lo. Thil tampi chim le rel ka duh ko nain holh ka thiam lomi cu keimah duh si ttung lo. Na ca’h ka si khawh chung in kaa zuam ko. Keimah bantuk cu rak ka lo te hlah mu ti lung chung biachim bu in Vapual cu innka hram ah duhsah tein a tthu.
*****
Dingdi cu molh nawn in khin coka lei panh in a kal. “Ka fa, na tho cang tih? Thaithawh ka ser dih cang hi ei usih,” tiah a pa nih cun a kut cun a ti. Dingdi nih cun a pa cu zoh zong zoh loin tthutdan cu aa lak i rawl a ei. A pa pawng a um ahcun a khing a rit tuk hringhran. A rannak in sianginn lei kal zokzok a duh. A rawl dih huahau loin a chuak. A pa nih cun a ban in a tlaih in, “kaan thlah lai,” a ti.
Motor chia tein cun a pa nih cun sianginn ah a phorh. Sianginn an phanh i a fanu te sianginn chung a lut lai ah, “Uhhhhnn,” tiah a pa nih cun a hau--a kut in, “ ka fa ca fak piin i zuam mu. Na ngan tikah siibawi na ttuan lai cu,” tiah merh bu in a ti. Dingdi nih cun zei rel loin a kal tak.
“Hodah mah a phi hi a hngal?” tiah sym nih a hal hna. Dingdi nih a thiammi te a si, a kut cu a thliar.
“Hahaha… zoh uh khih. Nu ngei lo, mihrut pa fa nih a chim cang lai khih,” tiah Fikfa nih thang piin khin a van chim. An khaan vialte an dihlak in an ni dih. Sayama nih dai uh a ti hna zong ah an zual chin. Dingdi nih a zal lak loin leng lei panh in a tli. A hnulei in Cenghngia, Dingdi nih a uarmi pa, nih a dawi.
Vapual cu nam cawi in sa a can len ko. Nihin cu voi dang bantuk a si lo. A rianttuanmi ah aa nuam kho lo. Holh a thiam lo bu ah an nu a um lio caan--an rak i nuamh tuk lio te kha a ngai tuk. Mah lio khan cu Dingdi cu kum 10 hrawng lawng a rak si rih. Kan nu na um ti lo hnu cun zeihmanh hi a lamtling kho ti lo. Didi, Dingdi min din, zong nih ka dawtnak a hmu thiam ti lo. Rak kiar tthan law zei tluk in dah a nuamh hnga. Vapual mit in donh awk a ttha lomi mitthli dor an tla pah.
Cenghngia nih cun Dingdi ban in a tlaih. A za a pek. Dingdi cu tlik aa tim nain Cenghngai nih a tlaih chih. Dingdi nih a duh ve tikah a cawl lo. An pahnih cun an kut an i tlai i an sianginn pawng tili kam ah chun nitlak an umtti. Zanlei sang suimilam 7 hrawng ah Dingdi cu inn ah a ttin.
A pa cu inn ah a rak um cang. Thlalang-awngka in khin Cenghngia le Dingdi mangttha tinak an i kuh cu a hmuh. Dingdi inn chung a rak luh sin in, “Ka dawt ka fa. Mah pa he khin cun umtti hlah. A zia na hngalh ko cuta. Mi ttha lo a si. Zaangfahnak tein ka fa khi pa khi cu hrial mu,” tiah a pa nih a kut cun a chim.
“Ka ca’h minung ka thimpiak hlah. Nangmah ruang ah hawi zong ka ngei lo hi na thei ma? Ka ngeihchunh hawi zong hlonh piak na ka timh rih! Ka nu thih hnu in amah dah ti lo ho nih dah a ka hnemh bal?” tiah Dingdi nih cun a pa cu aw hrawng taktak in a ti. A pa cu holh a thiam lo caah a mitthli tlak leng in cun tuah awk a hngal lo.
A thaizing a chuak: a pa nih ka fa hi hawi zong a hngar lai tiah tangka a ngeihchunh $200 lakah $100 a tthenh, “Ka fa rawl zong kaan chuanpiak kho tthittha lo, mahte in hin na duhmi i cawk law va ei mu,” ti pah in. Dingdi nih tangka hmanh ttha te lak loin a chuh in a chuh i a chuak colh. Inn um hi a zuam hrim a zuam lo. Leng chuah zong ah mi nih an nek tuk nain mi nek cu a pa pawng um nakin aa hnek khawh deuh.
Mah zan cu suimilam 12 leng in Dingdi cu inn ah a ttin. A pa cu a rak i hngelh kho lo, innpi ah a rak tthu ko. Zing suimilam 4:20 hrawng in thawh i rianttuan ah kal ding a si nain. A pa nih bia hal a timh nain halnak nawl a pek lo caah a pa nih cun a hmai ah a bengh. Dingdi cu coka ah a va tli i namte aa lak.
“Na ka bengh tik? Mihrut an in timi hi na rak hruh tak ko hna ta,” tiah a ti. A pa nih cun a nam chuh ding in a naih deuh. “Ra ka naih hngalh. Na thih lo cun keimah ka thi lai,” tiah Dingdi nih cun a hro pah. A pa nih cun a van naih deuh than i Dingdi nih nam cu a hngawng ah aa hmuah. “Na sin um nakin thih hmanh a ttha deuh lai. Pa lo pa..,” tiah ttah pah bu in a mitthli he a au.
“Ka fa, ka fa. Nam cu thla.. Kaan naih ti lai lo,” tiah Vapual nih cun a kut in a chimh--hnulei ah aa tawn deuh. A pa cu innpi le coka aa tonnak ah vanpang hngetchan in a mitthli he a tthu. Dingdi cu coka khengttawlnak pawng ah nam he cu a tthu i a ttap ve. An pahnih in ti te cun zan khuadei an tthu.
An pafa karlak ah hngalhthiamnak a tlung kho lo. A fanu nih a pa cu sual a phawt ruangah a fanu nih a pa cu a rem ti lo. A pa nih a fanu cu a dawt tuk caah zei paoh tthatnak ding aa zuam nain a tlam a tling kho lo.
Thla tlawmpaal ah a liam hnu: Vapual cu suimilam a zoh lengmang. Ka fa hi ziah a ttin cang hnga lo tiah thinphaang ngai in a tthu. Nain a fanu dawt Dingdi kum 16 tlinnak ni a si caah aa lawm/nuam tuk. Chuahni-Changreu, Birthday Cake, a cawkmi te cu capawi fate cung ah cun a chiah. Zan suimilam 8 tluk a si cang. Voi dang nakin a pa lungthin tor a dik ti lo. Phung dang pi khi a lo.
Innkaa cu tthongtthong tiah thang taktak in kingh thawng nih Vapual lungthin a lauter tuk. Innkaa lei ah cun a tli zokzok, innkaa a hnu ah cun an innpawng tarnu te a rak si. “Na, na fanu kha pa, pa pawl he lampi ah ka hmuh. Inn-karlak-lam ah an luh tlawmpaal ah pa pakhat nih a, a thongh. Ka lau tuk i ka rak in chimh,” tiah thaw phan satsai loin tarnu cu a holh. Vapual cu a lau tuk i innleng lei panh in a tli colh.
Dingdi te umnak hmun a va phanh ah cun Dingdi cu a thawpi lawng a rak tang ti awk tluk a si. A pawng i a ummi pa pathum nih an rak chuih pah leng rih ko. Vapual nih zei a cang ti hmanh hngalh loin a fanu khamh awk ah cun a pum in a fanu cung ah cun a bawk. “Hahahaa.. Zoh tuah uh… Mihrut pa nih a fa a khamh cang hih!” tiah pa pakhat nih a nihsawh len hna.
“Na fanu cu tlawmpaal te ka tuai i haha ka ihpi khawh colh. Haha…. Amah aa ralrin lo ruang ah nau a pawi i keimah a ka puh rih. A nawn in ka nawn beh lai.. Hahaha..,” tiah pa pakhat cu a ni. Vapual nih cunglei a zoh ah cun an lak i pakhat cu Cenghngia a si ai.
“Sorry, sorry. Ka fanu cu kal tak ko uh..,” tiah a nawl hna nain an duh lo. A pa nih cun, “ti si cun zeidah kaan tuahpiak hna lai?” tiah a hal hna--thil fiar an fial. An duh tukmi thil man fak taktakmi dawr pakhat ah thil an fiarter. Mah dih le cangka in cun a fanu cu siizung ah a tlikpi.
“A ngah lo, ka fanu a thi kho lo. Zaangfahnak tein khamh uh. A thi kho lo. Nawl ka pe lo,” ti piah pah bu in mitthli he a pa cu siibawi hmai ah a diar. Siibawi nih a hnemh len nain aa hlei lo. “Tangka cu ka ngei lo nain inn chiahru te ka ngei. Mah cucu ka fanu nan khamh ahcun nan i lak lai. Zaangfahnak,” tiah siibawi cu a nawl len hna.
A fanu cu a thi a chuakmi a rak tam tuk--a pum chung ah a thi ummi a tlawm tuk cang. “Ka thi la uh. Ka thi la ko uh. Ka fanu cu si.. La uh,” tiah holh khawh loin a kut in a chimh hna.
Suimilam 7 tluk a rauh hnu: an pa fate cu ihkhun naih te nih an chiah hna. A pa thi cu an lak i a fanu cu an rawh pah. A fanu nih a zoh duh rih lo. A thaizing ah palek pawl siizung ah an rak ra i a pa cu an tlaih. Thil a fiar ruang ah! A fanu nih zei a hngalh lo caah a pa cu a huat chinchin.
Zarh khat tluk a rauh hnu: Dingdi cu inn chung lei panh in a lut. Innpi laifang ah a pa nih a rak cawkpiakmi a maan dih cangmi changreu cu a hmuh. A pawngte ah cun a tthu i a pa cattialmi a hmuh:
Ka fa ka ngaithiam. Hawi dang pa bang in kaan zoh kho lo.
Ka nunnak ah nang he tlamtlinnak dingah holh khawh
ka herh nain ka holh kho lo cu ta. Zei si zong ah keimah
nih kaan dawt tluk in cun hohmanh nih an in daw lai lo.
Na ka ti tikah ka lung a fak nain ka thin a hung bal lo.
Nang cu ka nunnak na si i ka fanu dawt bikmi pakhat na si.
Na nu nung rih sehlaw atu lio ahhin a nuam tuk hnga ti.
Rak ka ngaithiam mu.
Chuahni lawmhnak na cung ah um sehlaw
Pathian nih lam in hruai ko seh………
Ca cu a rel dih in a lungthin chung ah zei a cang hngalh loin a ttap thluahmah. Caan tlawmpaal a ttah hnu ah khin an innpawng tarnu te a rak ra i, “ka tu, na pa dawtnak hi naa fian awk a si cang. Ka rak in pekmi vialte keimah nih ka cawkmi pakhat hmanh a um lo. Na pa nih aan cawkpiakmi lawngte a si. Aan pek i na lak duh lo caah keimah a ka fialmi a si. Thil a fiarmi zong nangmah nunnak khamh duh ruang ah a si,” tiah a ti hnu in a chuah tak colh.
“Ka pa, ka pa,” tiah Dingdi cu a au. A mitthli he a pa ngaih in zan voikhatnak khua a dei. A pa chuah i a hngawng in kuh chih--kaan dawt tuk ka pa ti chim lawng a duh. Mah tluk a rak sual bu in a pa nih a caah a nunnak tiang a pek. Dingdi mit in a luangmi mitthli cu huatnak in dawtnak le ngaihnak ah an cang dih. A pa chuah ding--rawl eitti ding hngah, a pa dawtnak fiang bu in a pa chuah lai nithla rel in a pa cu a hngah.
Thong in chuak i a fanu hmuh lai aa ngaih tukmi a pa nih a fanu caah thong a tlakmi zong ngaihchiahnak a um lo. Thonginn kutkaa in leng lei cuan in Cerlian zoh in hmailei panh thluangthluan in.
---------------
Hringtu pale vialte upatnak he, Fidi group Facebook ah Fiakfairok nih a ttialmi TCP editor nih Laica tlawmpal edit hnu ah a hun tarmi a si.
Note: TCP ih an tar mi lak i fim mi a si