Thir Minung Ah Ai Cangmipa hi Ho A SI?
Zuding fa te a si ko. Nulepa thawngttha zong a si lo. Cathiam ngai zong a si lo. Sahlawh/rualchan bawmtu a ngeimi zong a si lo. Laitlang khaute, Tlangpi or Zephai nakin a khuate deuhmi ah khuate ah a chuakmi a si ko.
Mizapi kainak, a cozah sianginn ah zing fatin sianginn kai aa thawh tawnmi te a si ve ko. Kum 10 a si lio te in USA ah kal in rum, Fitlaw tuan le, nawl (power) ngeimi pa si, saduh a rak thahmi a si. Cu, a saduhthah cu, Zeitindah a tlin khawh lai tiah nehzulhnak khua atuaktanmi pa a si. Mirang holh in, "He is chasing his dream." tiah an auhmi pa a si.
Minung a simi paoh nih saduhthah (kawl nih seikuh-zin) an timi khi ngeih cio a si. Minung tampi nih cun, Saduhthah hi chikhat ruahsawhsawhmi thil ah kan ruah. Hmailei si kan duhmi cu kan ruah len ko nain a nehzulh awk kan hngal lo. A si kho lomi ruah sawhsawh ah kan rel. Asinain amah cu a ruahmi kha biatak tein a neh a zulmi pa a si.
Austria ram, Khuate taktak a simi, Thal ah a chuakmi, Mr. Schwarzenegger cu American Movie a zoh paoh ah Actor si a duh. Millionair si zong a duh fawn. Cu lawng hlah, power a ngeimi uktu si a duh rih. A duhmi cu an ropui ko. A pa hi an khua ah police a si. Zu ding a si rih. Mi iangchia a si fawn. Cucaah, thlachait ruat loin, a fale a velh tawntu a si chinchap. Mahbantuk chungkhar in a rak isemmi, Arnold cu a ngakchia lio ah sport lei a uarmi, bawlungchuih a huammi le tthawn a uarmi a si. Kum 15 a si ah an innpawng gym ah a lut i, bodybuilder si hi a rak ithim. A nulepa nih an rak duhpi lo ngai nain, Body builder ah pakhatnak ka lak khawh ahcun, USA ah ka pem kho lai tiah US pem khawhnak awng a rak pemh cang.
Austria ram ah pa a simi paoh ralkap tuan ding timi caan a si. Kum 18 a si lio ah ralkap a tuan. Ralkap a um lio ah, permit lakta loin Mr. Europe zuamnak ah a kal i, Junior Mr. Europe laksawng a hmuh. A hugn kir i thong an thlak. 1966 ah Mr. Universe cu London ah an tuah. Cuka ahcun, ralkap in a chuak i aa va zuam. Pahnihnak a hmuh. A kum nolh 1967 ah a zuam tthan i pakhatnak a hmuh. Cu lio ah kum 20 a si. Cuticun, 1967, 1968, 1969 tiah a peh peh in kum 3 Mr. Universe buan a co.
Mr. Universe ah buan a co cangka tein, Gold's Gym ngeitu, Joe Weider bawmhnak in 1968 kum ah B-1 Visa in USA ah a rak lut colh. Joe nih umnak, mawtawka le thla hlawh a pek.Gold Gym ah rian a tuan. B-1 Visa cu, a non-immigrant in B-1 visa" an ti i, USA ah chikhat rak tlawngtami a si. USA ah riantuan khawh a si lo. Nain USA a phan hnu ah kir ti loin, umthainak a sawk ve. USA a um hnu ah Mr. Olympia ah aa zuam i, pakhatnak a hmuh. Cuticun, Mr. Olynmpia ah a peh peh in voi 7 tiang buan a co.
Arnold Schwarzenegger cu a pumrua a dawhtuk caah Hollywood nih movie in an thlak colh. 1970 ah Hercules in New York" timi an thlak nain a lar lo. 1977 ah amah kong, Pumping Iron timi an thlak tthan. A lar tuk lo. Asinain 1982 ah "Conan the Barbarian" timi movie cu $ 16 million dih in an thlak. Mah movie ahhin a poh colh. $ 130 million miak an hmuh. Cuticun, hollywood ah caantling in an thlak.
Keimah cu Thir ka si. Minung a hrawk khotu le minung a veng khotu ka si timi ruahnak in, the Terminator timi Movie cu amah bak nih a ser i, vuleicung mizapi kip hmuhding in a thlak.
Kum 10 a si lio ah USA kal a rak seikuzin tawnmi le Actor si a rak duh tukmi, a saduhthah cu a tling cang. Nain a duhmi pakhat, nawlngeihnak a tang. A dawh lem lo nain Mr. Universe le Mr. Olympia ah buanco a si caah ngaknu nih an duh ngai cang. Ngaknu hnukpar tha, tawtawk tha ahmuh ahcun, zoh loin a um kho lomi pa a si. Nain a hnukpar zong a um lomi, aa tawttawk zong a tha lem lomi, American journalist le catialtu Maria Owings Shriver cu nupi ah a thit deih! Maria cu US President a si balmi, John F. Kennedy farnu Eunice Kennedy Shirver fanu a si. Zei ruang ahdah Arnold nih hi nu thengmang hi a rak ithim?
Vuleicung fimthiamnak ah a sangbikah ruahmi USA ah politics ah i cuh cu fimthiamnak hramfekmi ngeih a rak herh. LAw degree a hmumi le catang sang sang a kaimi, hruainak lei ah a thiammi hna lawng nih uknak ahcun an i cuh ngam. Nain tang 10a awng le awng lo zong hngalh lomi, online tuktak in degree a hmumi Arnold nih US state vialte lakah bochanbikmi California ah Governor a rak icuh vemi cu a mak ngaimi thil a si.
Arnold nih California hruai khawhnak qualification a ngei maw? A thluak nih a phan lai maw? A mirang holh thiamnak nih a tlinh maw? Zeitindah campaign a tuah lai? Zeitindah vote a hmuh khawh lai? tiah journalist tampi nih biahalnak an rak tuah. Ngaknu hnukpar zoh a huammi, arnu sinah ih a hmangmi, USA ah immigration phung a rak buartu, catang dinfel a ngei lomi nih zeitindah California ramkulh cu a uk khawh lai tiah an ti. Asinain cubantuk soiselnak dihnak in khamh khotu Maria a rak ngeih cang i, raltha tein Governor cu a cuh ko.
California ramkulh nih special election timi, governia a tuan liomi an caan a dih hlan ah, election tuah tthan dingin a haltu minsenthut aa za in an ngeih ahcun tuah khawh a si timi phung an ngei. 2003 ahhin Democratic in, Gray Davis nih California cu a uk. Amah a uk chung ah electricity buainak a um. Electric man a kai thluahmah. Cu tikah, California minung pawl an zai cang. Governor i cuh ding in a rak ngiarnaka sau cangmi, Arnold nih mah cu caan rem ah a lak i, Recall Election campaign tuah in, Governor i cuh cu aa tthim. Company thawngtha a ngeimi le Phaisa ngeih a si tikah, Repulican nih a ti khawh lai tiah an zumh. Cuticun, campaign cu a lut ve. Biachim a palh pah, a nupi nih a remh piak tthan colh.
Cuticun, Standfor University ah B.A history a dihmi, Columbia Law School ah J.D bak a dihmi, Vietnam ral zong ah Captain a tuanmi, Joseph Graham Gray Davis, Jr cu tuang ah a hrilh ko.
Khuate fa nih Actor si, Mirum ngai si le bawi si a rak duh tukmi cu, a neh a zulh lengmang caah a duhmi a tling dih. Asinain, minung ngai hi, duhfahnak hi a rak ngan tuk ko rua. A za cang ti a hngal ti lo.
Califoania governor a tuan chung ah US ah a chuak lomi zong nih President tuan khawh ding phunghrampi remh ding kong tampi a chim. A uartu zong nih remhpiakding in campaign an tuah. Nain inn 300 hrawng asimi, Khuate, Thal, ah a chuakmi, catang ngeilo nih USA a phan i, Fitlaw minthang a si pin ah, Millionair dirhmun a phan hnu ah US ramkulhah cungcuangbik California uktu dirhmun a phan cu, i lunghmuih tuk ding a si cang. Nain a za ti a hngalh lo caah, minung lei derthawmnak in, hnupar ngan, tawttawk tha a rak duhnak cu aa zum khawh lo caah, a ui-re i, a nupi le fale he tthennak dirhmun phan in, a pahmei ve ko cang.
Arnold tuanbia ahhin zohchunh awktlak sinak a um. Minung cu hmailei kong a ruatmi le seikuzin/saduhthah a ngeimi kan si. Mah kan saduhthah a tlin khawhnak hnga caah a neh kan zulh a herh. Kan izuam a herh. Kan tuahmi kip ah a thiambik, buancotu dirhmun phan kan itimh a herh. Cu pawl tuah khawhnak caah teirial, teima a herh. Gym ah exsercise tuah i, takvun dihlak bo viar in exsercise tuah hi a fawilomi thil a si. An thlan-hripi chuak dihlak in thilrit an cawi, an hnuh, an thlir. Cucaah, Arnold nih, "I am A "machine" (keimah cu Thir ka si) tiah aa ti.
References
http://www.visalaw.com/03sep4/15sep403.html
http://en.wikipedia.org/wiki/Mr._Olympia#1970s
http://www.ask.com/wiki/Maria_Shriver?qsrc=3044
http://en.wikipedia.org/wiki/California_gubernatorial_recall_election
http://en.wikipedia.org/wiki/Gray_Davis
Hi capar cu Zasang Cinzah nih the Chinstar ah Tuesday, 22 April 2014 03:34 ni ah a taar mi chungin lakmi a si
Zuding fa te a si ko. Nulepa thawngttha zong a si lo. Cathiam ngai zong a si lo. Sahlawh/rualchan bawmtu a ngeimi zong a si lo. Laitlang khaute, Tlangpi or Zephai nakin a khuate deuhmi ah khuate ah a chuakmi a si ko.
Mizapi kainak, a cozah sianginn ah zing fatin sianginn kai aa thawh tawnmi te a si ve ko. Kum 10 a si lio te in USA ah kal in rum, Fitlaw tuan le, nawl (power) ngeimi pa si, saduh a rak thahmi a si. Cu, a saduhthah cu, Zeitindah a tlin khawh lai tiah nehzulhnak khua atuaktanmi pa a si. Mirang holh in, "He is chasing his dream." tiah an auhmi pa a si.
Minung a simi paoh nih saduhthah (kawl nih seikuh-zin) an timi khi ngeih cio a si. Minung tampi nih cun, Saduhthah hi chikhat ruahsawhsawhmi thil ah kan ruah. Hmailei si kan duhmi cu kan ruah len ko nain a nehzulh awk kan hngal lo. A si kho lomi ruah sawhsawh ah kan rel. Asinain amah cu a ruahmi kha biatak tein a neh a zulmi pa a si.
Austria ram, Khuate taktak a simi, Thal ah a chuakmi, Mr. Schwarzenegger cu American Movie a zoh paoh ah Actor si a duh. Millionair si zong a duh fawn. Cu lawng hlah, power a ngeimi uktu si a duh rih. A duhmi cu an ropui ko. A pa hi an khua ah police a si. Zu ding a si rih. Mi iangchia a si fawn. Cucaah, thlachait ruat loin, a fale a velh tawntu a si chinchap. Mahbantuk chungkhar in a rak isemmi, Arnold cu a ngakchia lio ah sport lei a uarmi, bawlungchuih a huammi le tthawn a uarmi a si. Kum 15 a si ah an innpawng gym ah a lut i, bodybuilder si hi a rak ithim. A nulepa nih an rak duhpi lo ngai nain, Body builder ah pakhatnak ka lak khawh ahcun, USA ah ka pem kho lai tiah US pem khawhnak awng a rak pemh cang.
Austria ram ah pa a simi paoh ralkap tuan ding timi caan a si. Kum 18 a si lio ah ralkap a tuan. Ralkap a um lio ah, permit lakta loin Mr. Europe zuamnak ah a kal i, Junior Mr. Europe laksawng a hmuh. A hugn kir i thong an thlak. 1966 ah Mr. Universe cu London ah an tuah. Cuka ahcun, ralkap in a chuak i aa va zuam. Pahnihnak a hmuh. A kum nolh 1967 ah a zuam tthan i pakhatnak a hmuh. Cu lio ah kum 20 a si. Cuticun, 1967, 1968, 1969 tiah a peh peh in kum 3 Mr. Universe buan a co.
Mr. Universe ah buan a co cangka tein, Gold's Gym ngeitu, Joe Weider bawmhnak in 1968 kum ah B-1 Visa in USA ah a rak lut colh. Joe nih umnak, mawtawka le thla hlawh a pek.Gold Gym ah rian a tuan. B-1 Visa cu, a non-immigrant in B-1 visa" an ti i, USA ah chikhat rak tlawngtami a si. USA ah riantuan khawh a si lo. Nain USA a phan hnu ah kir ti loin, umthainak a sawk ve. USA a um hnu ah Mr. Olympia ah aa zuam i, pakhatnak a hmuh. Cuticun, Mr. Olynmpia ah a peh peh in voi 7 tiang buan a co.
Arnold Schwarzenegger cu a pumrua a dawhtuk caah Hollywood nih movie in an thlak colh. 1970 ah Hercules in New York" timi an thlak nain a lar lo. 1977 ah amah kong, Pumping Iron timi an thlak tthan. A lar tuk lo. Asinain 1982 ah "Conan the Barbarian" timi movie cu $ 16 million dih in an thlak. Mah movie ahhin a poh colh. $ 130 million miak an hmuh. Cuticun, hollywood ah caantling in an thlak.
Keimah cu Thir ka si. Minung a hrawk khotu le minung a veng khotu ka si timi ruahnak in, the Terminator timi Movie cu amah bak nih a ser i, vuleicung mizapi kip hmuhding in a thlak.
Kum 10 a si lio ah USA kal a rak seikuzin tawnmi le Actor si a rak duh tukmi, a saduhthah cu a tling cang. Nain a duhmi pakhat, nawlngeihnak a tang. A dawh lem lo nain Mr. Universe le Mr. Olympia ah buanco a si caah ngaknu nih an duh ngai cang. Ngaknu hnukpar tha, tawtawk tha ahmuh ahcun, zoh loin a um kho lomi pa a si. Nain a hnukpar zong a um lomi, aa tawttawk zong a tha lem lomi, American journalist le catialtu Maria Owings Shriver cu nupi ah a thit deih! Maria cu US President a si balmi, John F. Kennedy farnu Eunice Kennedy Shirver fanu a si. Zei ruang ahdah Arnold nih hi nu thengmang hi a rak ithim?
Vuleicung fimthiamnak ah a sangbikah ruahmi USA ah politics ah i cuh cu fimthiamnak hramfekmi ngeih a rak herh. LAw degree a hmumi le catang sang sang a kaimi, hruainak lei ah a thiammi hna lawng nih uknak ahcun an i cuh ngam. Nain tang 10a awng le awng lo zong hngalh lomi, online tuktak in degree a hmumi Arnold nih US state vialte lakah bochanbikmi California ah Governor a rak icuh vemi cu a mak ngaimi thil a si.
Arnold nih California hruai khawhnak qualification a ngei maw? A thluak nih a phan lai maw? A mirang holh thiamnak nih a tlinh maw? Zeitindah campaign a tuah lai? Zeitindah vote a hmuh khawh lai? tiah journalist tampi nih biahalnak an rak tuah. Ngaknu hnukpar zoh a huammi, arnu sinah ih a hmangmi, USA ah immigration phung a rak buartu, catang dinfel a ngei lomi nih zeitindah California ramkulh cu a uk khawh lai tiah an ti. Asinain cubantuk soiselnak dihnak in khamh khotu Maria a rak ngeih cang i, raltha tein Governor cu a cuh ko.
California ramkulh nih special election timi, governia a tuan liomi an caan a dih hlan ah, election tuah tthan dingin a haltu minsenthut aa za in an ngeih ahcun tuah khawh a si timi phung an ngei. 2003 ahhin Democratic in, Gray Davis nih California cu a uk. Amah a uk chung ah electricity buainak a um. Electric man a kai thluahmah. Cu tikah, California minung pawl an zai cang. Governor i cuh ding in a rak ngiarnaka sau cangmi, Arnold nih mah cu caan rem ah a lak i, Recall Election campaign tuah in, Governor i cuh cu aa tthim. Company thawngtha a ngeimi le Phaisa ngeih a si tikah, Repulican nih a ti khawh lai tiah an zumh. Cuticun, campaign cu a lut ve. Biachim a palh pah, a nupi nih a remh piak tthan colh.
Cuticun, Standfor University ah B.A history a dihmi, Columbia Law School ah J.D bak a dihmi, Vietnam ral zong ah Captain a tuanmi, Joseph Graham Gray Davis, Jr cu tuang ah a hrilh ko.
Khuate fa nih Actor si, Mirum ngai si le bawi si a rak duh tukmi cu, a neh a zulh lengmang caah a duhmi a tling dih. Asinain, minung ngai hi, duhfahnak hi a rak ngan tuk ko rua. A za cang ti a hngal ti lo.
Califoania governor a tuan chung ah US ah a chuak lomi zong nih President tuan khawh ding phunghrampi remh ding kong tampi a chim. A uartu zong nih remhpiakding in campaign an tuah. Nain inn 300 hrawng asimi, Khuate, Thal, ah a chuakmi, catang ngeilo nih USA a phan i, Fitlaw minthang a si pin ah, Millionair dirhmun a phan hnu ah US ramkulhah cungcuangbik California uktu dirhmun a phan cu, i lunghmuih tuk ding a si cang. Nain a za ti a hngalh lo caah, minung lei derthawmnak in, hnupar ngan, tawttawk tha a rak duhnak cu aa zum khawh lo caah, a ui-re i, a nupi le fale he tthennak dirhmun phan in, a pahmei ve ko cang.
Arnold tuanbia ahhin zohchunh awktlak sinak a um. Minung cu hmailei kong a ruatmi le seikuzin/saduhthah a ngeimi kan si. Mah kan saduhthah a tlin khawhnak hnga caah a neh kan zulh a herh. Kan izuam a herh. Kan tuahmi kip ah a thiambik, buancotu dirhmun phan kan itimh a herh. Cu pawl tuah khawhnak caah teirial, teima a herh. Gym ah exsercise tuah i, takvun dihlak bo viar in exsercise tuah hi a fawilomi thil a si. An thlan-hripi chuak dihlak in thilrit an cawi, an hnuh, an thlir. Cucaah, Arnold nih, "I am A "machine" (keimah cu Thir ka si) tiah aa ti.
References
http://www.visalaw.com/03sep4/15sep403.html
http://en.wikipedia.org/wiki/Mr._Olympia#1970s
http://www.ask.com/wiki/Maria_Shriver?qsrc=3044
http://en.wikipedia.org/wiki/California_gubernatorial_recall_election
http://en.wikipedia.org/wiki/Gray_Davis
Hi capar cu Zasang Cinzah nih the Chinstar ah Tuesday, 22 April 2014 03:34 ni ah a taar mi chungin lakmi a si